नाकामा रोकियो फलफूल र तरकारीको सयौं ट्रक, करोडौंको घाटा भएको व्यावसायीको गुनासो
काठमाण्डौँ, सरकारले विषादी परीक्षण अनिवार्य गरेपछि भारतीय तरकारी तथा फलफूल बोकेर नेपाल आउन लागेका सयौं ट्रक विभिन्न नाकामा रोकिएका छन् । बिषादीयुक्त तरकारी तथा फलफूल आयातमा रोक लगाउनुपर्ने भएपनि सरकारले अहिले गरिरहेको प्रक्रिया गलत भएको सरोकारवालको बुझाइ छ । भैरहवा, वीरगञ्ज, काकडभिट्टा, विराटनगर लगाएत नाकामा तरकारी तथा फलफूल बोकेका सयांै ट्रकहरु नेपाल भित्रने पालो कुरेर बसेका छन् । सरकारले ताजा तरकारी तथा फलफूल पैठारी गर्दा सम्बन्धित् भन्सार विन्दुमा क्वारेन्टाइन र जीवनाशक विषादीको परीक्षण अनिवार्यको व्यवस्था गरेसंगै तरकारीका ट्रक नाकामै रोकिएका हुन् ।
विषादी परिक्षण गर्नु राम्रो भएपनि प्रक्रिया नमिलेको भन्दै व्यवसायिले गुनासो गरेका छन् । तरकारी तथा फलफूल जिल्ला संघ ललितपुरका अध्यक्ष कृष्णप्रसाद सञ्जेल तयारी बिना गरिएको यो कार्यले बजारमा तरकारी तथा फलफूलको अभाव भएको बताउनुभयो । सरकारले विषादी जाँच गर्ने त भनेको छ, तर न दक्ष प्राविधिक छन्, न त प्रविधि नै । खाद्य प्रविधि तथा गुण विभाग बाहेक कसैसँग विषादीको मात्रा हेर्ने प्रविधि छैन ।
अहिले केन्द्रीय कृषि प्रयोगशालाका प्राविधिकले बिषादी जाँच गरिरहेका छन् । प्लान्ट क्वारेन्टाईन एवम् विषादी व्यवस्था केन्द्रका वरिष्ठ बाली विकास अधिकृत रामकृष्ण सुवेदी नमुना धेरै र प्राविधिक थोरै भएका कारण समय लागेको बताउनुहन्छ । सरकारको उद्देश्य राम्रो भएपनि तयारी नपुगेको भन्दै व्यवसायीहरुले गूनासो गरेका हुन् । नाकामा नै फलफूल तथा तरकारी रोकिंदा करोडौंको घाटा भएको फलफूल व्यवसायी महासंघका अध्यक्ष खोपप्रसाद घिमिरेको भनाइ छ ।
सरकारले अहिले कालिमाटी, विर्तामोड, बुटवल लगाएत सात स्थानबाट विषादी परीक्षणको काम गरिरहेको छ । तर पर्याप्त प्राविधिक र प्रविधि नहुँदा असजिलो भएको केन्द्रिय कृषि प्रयोगशालाका प्रमुख कञ्चनराज पाण्डेको भनाइ छ । भारतले पनि यसअघि विषादी परीक्षण भन्दै नेपालको गोलभेडा, अदुवा लगाएत सामग्री निर्यातमा रोक लगाएको थियो । कृषि तथा पशुपन्छी विकास मन्त्रालयका पूर्व सचिव डाक्टर सुरज पौडेल नीति परिवर्तनकै जरुरी रहेको टिप्पणी गर्नुहुन्छ ।
नेपालले विषादी परीक्षणको लागि गरेको प्रयास आम नागरिकको लागि हितकर छ । तर विना प्रविधी, विना प्राविधीक तयारी नपु¥याइ गरेको निर्णयले नेपाली व्यवसायीलाई घाटा हुने चिन्ता थपिएको छ ।
प्रतिकृया दिनुहोस5>