छैठौं चन्द्रौटा महोत्सव पौष १७ गते देखि २८ गते सम्म

दिपक के.सी. कपिलवस्तु, 

चन्द्रौटा उद्योग वाणिज्य संघले पाचौं अधिबेशनको मिति सार्वजनिक गरेको छ । शुक्रबार बसेको संघको बैठकले अधिबेशनको मिति सार्वजनिक गरेको हो । फागुन १ गते संघले अधिबेशन गर्ने जनाएको छ ।
बैठकले छैठौं महोत्सवको मिति पनि सार्वजनिक गरेको छ । अधिबेशनको मिति तोकिए संगै महोत्सव संचालन गर्ने मिति पनि सार्वजनिक गरिएको सघका अध्यक्ष जमशेर अलि मियाँले बताए । संघले छैठौं चन्द्रौटा कृषी पर्यटन तथा औद्योगिक व्यापार महोत्सव पौष १७ गते देखि २८ गते सम्म संचालन गरिने अध्यक्ष मियाँले बताए ।
संघले संघमा आवद्ध भएका सम्पूर्ण व्यापारीहरुलाई सदस्यता नविकरणका लागी अनुरोध समेत गरेका छ । सदस्यता नविकरण गर्नका लागी कार्तिक ३० गते देखि माघ २० गते सम्म समय सिमा रहेको संघका महासचिव दमन भाट क्षेत्रीले बताए ।
संघको आयोजनामा हुने छैठौं चन्द्रौटा महोत्सवलाई भव्य सभ्य रुपमा सम्पन्न गर्न सर्वपक्षिय छलफल र सहकार्य गरिने संघका वरिष्ट उपाध्यक्ष इश्वरी पाण्डेले बताए । अब मिति सार्वजनिक संगै महोत्सवको तयारीमा लागेको पाण्डेले बताए ।