घोडाघोडीमा ट्रक दुर्घटना हुँदा तिन जना घाइते
ट्रक दुर्घटना हुँदा तिन जना घाइते
२३ कार्तिक - कैलालीको घोडाघोडीमा ट्रक दुर्घटना हुँदा तिन जना घाइते भएका छन् । धनगढीबाट सुखडतिर गईरहेको से १ ख ८८७ नम्बरको ट्रक गौरीगंगा नगरपालिका र घोडाघोडी नगरपालिका सिमाना क्षेत्र आमखोइयामा पल्टिदा तीन जना घाईते भएको प्रहरीले जनाएको छ ।
घाइतेहुनेहरुमा घोडाघोडी नगरपालिका वडा नम्वर ३ का ३५ बर्षीय मोहनलाल चौधरी, वडा नम्वर ४ का ४० बर्षीय बाबुराम चौधरी र सोही ठाउँका ४२ बर्षीय लहानाराम चौधरी रहेका छन् । घाईतेहरुलाई सुदूरपश्चिमका मुख्यमन्त्री त्रिलोचन भट्टको स्कटीङ गाडीले अस्पताल पु¥याएको छ ।
इलाका प्रहरी कार्यालय सुखडका अनुसार टायर पड्किएर ट्रक दुर्घटना भएको हो । घाइतेहरुको घोडाघोडी अस्पताल सुखडमा उपचार भईरहेको छ।