२ असार, काठमाडौं । अख्तियार दुरुपयोग अनुसन्धान आयोगले राहदानी विभागका महानिर्देशक तीर्थराज अर्याललाई पक्राउ गरेको छ ।

अख्तियार स्रोतका अनुसार पासपोर्ट खरिदसम्बन्धी प्रकरणमा भइरहेको अनुसन्धानका क्रममा अर्याललाई नियन्त्रणमा लिइएको हो । सो प्रकरणमा व्यवसायी सिद्धार्थ थापा पनि संलग्न रहेको बताइएको छ ।

स्रोतका अनुसार यस घटनामा थप एक व्यक्तिलाई पनि पक्राउ गरिएको छ । उनीहरू हाल सुरक्षा निगरानीमा राखिएको जनाइएको छ ।