अव्यस्थित ई–रिक्सा पार्किङ्गले कुरुप बन्दै सखुवा चौक

महेन्द्रनगर,
धनुषाको क्षिरेश्वरनाथ नगरपालिका सखुवा चौकमा पार्किङ्गका लागि उचित स्थान नहुँदा मुख्य बजारका सडकमा जथाभावी ई–रिक्सा लगायत सवारी साधन पार्किङ्ग हुने गरेका छन । 

मुख्यत्य नयाँ बजार, चौकको बजार र सखुवा बजारको दिन अस्तव्यस्त पार्किङ्ग हुँदा पनि ट्राफिक प्रहरी मुखदर्शक बनेको हुन्छ जस्को कारण उक्त ठाउँहरु निकै कुरुप बन्दै गएको छ भने दुर्घटनाका जोखिम पनि बढ्दै गएको छ ।

जनकपुर ढल्केवर सडक खण्ड मधेश प्रदेशका राजधानी जनकपुरको मुख्य द्धारको रुपमा चिनिएको महेन्द्रनगरको ठाउँठाउँमा अझै पनि व्यवस्थीत पार्किङ्ग छैन ।

क्षिरेश्वरनाथ नगरपालिका महेन्द्रनगरको सखुवा चौक, हनुमान चौक, क्षिरेश्वर चौक र नयाँ बजार स्थित जथाभावि ई–रिक्सा पार्किङ्गले बाटो नै अवरूद्ध हुने गरेको छ । ई–रिक्सा चालकहरुले बाटोमै ई–रिक्सा पार्किङ्ग गरी ग्राहक कुर्ने गरेका छन् ।

त्यही सखुवा चौकमा रहेको ट्राफिक प्रहरी बिट र नजिकै रहेको ईलाका प्रहरी कार्यालय रहेको छ तर मौन बस्ने गरेका छन् । प्रहरी बिट अगाडी अव्यस्थित पार्किङ्गले बाटो अवरुद्ध हुन्छ, तर प्रहरीहरु मुकदर्शक भएर देख्छन् ।

अहिले पनि सडकमै जथाभावि सवारी साधन रोकेर सडकलाई पार्किङ्गस्थलको रुपमा प्रयोग गर्ने गरिएको छ । अहिले पार्किङ्ग महेन्द्रनगरको मुख्य चुनौती बन्दै गएको छ ।