About Us
रेडियो उदयपुर १०२ थोप्लो ४ मेगाहर्ज
महिला सशक्तिकरण श्रोत केन्द्रद्धारा सञ्चालीत सामुदायीक रेडियो उदयपुर १०२ थोप्लो ४ मेगाहर्ज सञ्चार मन्त्रालयको अनुमति अनुसार बि.स २०६६ साल जेष्ठ १६ गते बिधीबत रुपमा सञ्चालन भएको हो । प्रदेश नम्वर १को उदयपुर जिल्ला त्रियुगा नगरपालिका वडा न ९ राजाबास नबउदयटोलमा अवस्थित यो रेडियोले समाजमा विद्यमान पितृसत्तात्मक सामाजिक संरचना र त्यसको आडमा महिला माथि हुने विभेदको अन्त्य गर्ने उदेश्यले यो रेडियो सञ्चालनमा रहेको हो ।
महिलाहरुले विभिन्न खाले समस्याहरु भोग्दै आईरहेका छन् । जसका कारण एक जना महिला मात्र नभई उनको परिवार, समाज र देशलाईनै प्रभावित पारिरहेको छ । महिलालाइ हेर्ने दृष्टिकोण व्यवहारिक रुपमा परिवर्तन हुन नसकेकाले र पितृसतात्मक सोचका कारण उत्पन्न समस्याहरु सुचनाको माध्यमबाट कमी ल्याउन र महिलाहरुमा सुचनाको पहुच पु–याउने उदेश्यले महिला सशक्तिकरण श्रोत केन्द्र वि.स.२०६४÷९÷२३ गते जिल्ला प्रशासन कार्यलय काठमाण्डौमा ७०१ नम्वरमा दर्ता भई यो रेडियो सञ्चालनमा ल्याईएको हो । महिलाहरुद्धारा मात्र सञ्चालनमा रहेको यो रेडियो रेडियो उदयपुर जिल्लाको त्रियुगा नगरपालिका, संगैका गाउपालीकाहरु र उदयपुर जील्लासंग जोडिएको जील्लाहरु सिरहा, सप्तरी र खोटागंका केहि भागमा पनि सुनिएको छ । ७ घण्टाबाट प्रसारण सुरु गरेको यो रेडियोले अहिले १७ घण्टा प्रशारणमा रहेको छ । यो रेडियो विहान ५ बजेबाट सुरु भई रातको १० बजे प्रशारण समाप्त हुन्छ ।
रेडियो उदयपुर १०२ थोप्लो ४ मेगाहर्ज महिला शशक्तिकरण श्रोत केन्द्र उदयपुरको स्वामित्व र दायित्वमा संञ्चालित रेडियो हो । संस्थाका कार्य समितीका सदस्यको सभा नै रेडियो उदयपुरको सर्बोच्च निकाय हो । समुदायको मानिसहरु, बुद्धिजिबि, जनप्रतिनिधी, संघसंस्थाका प्रतिनिधीहरु लगायत स्थानिय क्षेत्रको सुझाबका आधारमा यो सभाले रेडियोको निती निर्माण,योजना, बार्षिक बजेट लगायत महत्वपुर्ण कुराहरुको निर्णय गर्दछ । यी निर्णयहरु कार्यन्वयन तथा अन्य कार्यहरुको ब्यबस्थापनका लागि रेडियो परिषदको मातहतमा रेडियो ब्यबस्थापन समिती क्रियाशिल रहन्छ । रेडियोको दैनिक संचालन कार्यकारी प्रमुखमा स्टेशन मेनेजर रहन्छ । रेडियो ब्यबस्थापन समितीले स्टेशन म्यानेजर लगायत अन्य कर्मचारीहरुको नियुक्त गर्दछ ।
हाम्रो आफनोपन के हो ?
- महिलाद्घारा संचालित रेडियो स्टेशन
- हामी सामुदायिक छौ ।
- हरेक समयमा समुदायको सम्मान गर्ने
- धेरै भन्दा धैरै सुचना तथा शिक्षामुलक कार्यक्रम गर्ने
- स्थानिय बोलिचालीका भाषा प्रयागे गर्ने
- सही भाषा र स्पष्ट बाचन गर्ने
- गित संगित र बिज्ञापनको जथाभाबी प्रयोग नगर्ने
- कुनै घटना तथा बिषयमा तथ्य कुरा मात्र बोल्ने र श्रोतको उल्लेख गर्ने
- प्रत्येक घण्टामा समयबारे जानकारी दिने
- हिन्दी गीत नबजाउने
- बढी भन्दा बढी सामाजिक हितको बिज्ञापनलाइ प्राथमिकता दिने
- सहभागितामुलक कार्यक्रम गर्ने
नेपालको तेश्रो महिलाद्धारा सन्चालित सामुदायकि रेडियो, रेडियो उदयपुर १०२थोप्लो ४ मेगाहर्ज प्रगतीशील सन्चार माध्यम हो.। हामी पुर्ण सामुदायीक छौ, हामी समुदायकै कुरा गछौ, हाम्रो समग्र प्रशारणमा सामाजिक हित लुकेको छ । सामाजिक हित र न्यायको लागी बिभीन्न संघ सस्थाहरु, स्थानीय बुद्धिजीवि–व्यक्तिहरुसंग सहकार्य गरि हरेक कार्यक्रमहरु उत्पादन र प्रशारण गर्दै आइरहेका छौ ।